Роля ідэалагічнай працы ў павышэнні канкурэнтаздольнасці вытворчасці
У сучасных умовах кожны працоўны калектыў з'яўляецца суб'ектам эканамічнай палітыкі дзяржавы, менавіта ад яго патэнцыялу ў значнай ступені залежыць эфектыўнасць рашэння задач арганізацыі.
Таму сёння надзвычай важна правільнае фарміраванне ўнутрыкалектыўных адносін, стварэнне спрыяльнага клімату ў працоўным калектыве, ідэйнае выхаванне пачуцця адказнасці і дысцыпліны ў кожнага работніка.
Арганізацыя ідэалагічнай працы на прадпрыемстве
Асноўная мэтавая ўстаноўка ідэалагічнай работы на прадпрыемстве - згуртаванне працоўнага калектыву для вырашэння пастаўленых задач, звязаных з павышэннем якасці вытворчасці і развіццём канкурэнтаздольнасці прадпрыемства. Канкурэнтаздольнасць прадпрыемства праяўляецца ў яго гатоўнасці спаборнічаць у вытворчасці і рэалізацыі прадукцыі, галоўным чынам за межамі Рэспублікі Беларусь. У сувязі з гэтым актуальным становіцца фарміраванне ў працоўным калектыве маральна-псіхалагічнага клімату - "здаровага калектыўнага духу".
Дзейсным метадам кансалідацыі працоўнага калектыву для вырашэння важных вытворчых задач можна разглядаць фарміраванне карпаратыўнай культуры прадпрыемства, асноўная функцыя якой - выхаванне ў кожнага работніка працоўнай дысцыпліны, адданасці прадпрыемству і ўпэўненасці ў дасягненні высокіх вынікаў у працы - пастаянным павышэнні якасці вытворчасці. Карпаратыўная культура - гэта сістэма прынцыпаў і нормаў паводзін, рэальна аб'ядноўвае людзей на прадпрыемстве з мэтай дасягнення высокай канкурэнтаздольнасці вытворчасці.
Асноўнымі фактарамі эфектыўнасці вытворчасці з'яўляюцца дысцыплінаванасць, адказнасць і адданасць прадпрыемству, высокі прафесіяналізм спецыялістаў.
Фарміраванне карпаратыўнай культуры на прадпрыемстве садзейнічае павышэнню матывацыі працоўнай дзейнасці кожнага работніка. Спецыяліст на прадпрыемстве - гэта творчая асоба, гатовая да праявы сваёй унікальнасці. Яго адрознівае ўменне канструяваць тэхналагічныя цыклы і кіраваць імі з дапамогай прыняцця самастойных рашэнняў. Таму часткай карпаратыўнай культуры павінна стаць сістэма прафесійнага ўдасканалення работнікаў, якая ахоплівае ўсіх спецыялістаў - ад працоўных да кіруючага складу.

У СВАЮ ЧЕРГУ КОЖНЫ ЧЛЕН ПРАЦОЎНАГА КАЛЕКТЫВА АБАВЯЗАНЫ

• выконваць свае службовыя абавязкі на высокім прафесійным узроўні;
• не здзяйсняць учынкаў і дзеянняў, якія маглі б негатыўна адбіцца на іміджы прадпрыемства;
• будаваць адносіны з калегамі на аснове супрацоўніцтва і добразычлівасці;
• клапаціцца аб іміджы прадпрыемства, ніколі не выкарыстоўваць рэпутацыю прадпрыемства або яго рэсурсы з мэтай асабістай выгады.

Істотнымі фактарамі, якія ўплываюць на вырашэнне вытворчых задач, з'яўляюцца ахова здароўя і стварэнне бяспечных умоў працы для кожнага члена працоўнага калектыву, ажыццяўленне маніторынгу стану здароўя персаналу, забеспячэнне своечасовага праходжанне медыцынскіх аглядаў, узмацненне ролі грамадскіх інспектараў у стварэнні бяспечных умоў працы.
Найважнейшы сродак умацавання здароўя працоўных - арганізацыя фізкультурна-аздараўленчай і спартыўнай работы. Гэты напрамак у працэсе фарміравання карпаратыўнай культуры працоўнага калектыву з'яўляецца прыярытэтным.
У цэлым карпаратыўны дух дапаможа зрабіць калектыў кіраваным і мабільным, гатовым да рашэння складаных вытворчых задач.